Hordhac

Maqaalkan waxaa loo qoray inuu noqdo mid haqab tira baahida qofka soomaaliga ah ee doonaya inuu barto sidda loo sameeyo Web server awood sare leh, Waxaad halkan ku baran doontaan habka la isugu rakibo apache, php, mysql, openssl, mod_perl iyo mod_ssl.

Waxaan kaloo halkan ku bixin doonaa sharxaad kooban oo ku saabsan dhowr ka mid ah komaandayaasha loo isticmaallo Linux, isla markaana waxaan dhinaca kale ka bixin doonaa sawir ku saabsan kumaandayaashaa iyo sidda loogu isticmaalo Windows "Dos",
ka dib waxaan qoraalkeena kaga hadli doonnaa hadduu Rabi idmo, sidda loo isticmaalo barnaamijka Vi.

Operating systems-ka aan ku tijaabinay Maqaalkan:
Maqaalkan inta aynan halkan kusoo daabicin waxaan ku tijaabinay Linux noocyadiisa kala ah: Red Hat 7.3 iyo 9,
SUSE LINUX 7.3 iyo 9.2, si wanaagsan ayuuna u waafaqsan yahay maqaalkan dhamaantood, adiga midkaad doonto isticmaal, balse maqaalkeenan waxaan ugu magac darnay Red Hat Linux 9, waanna noocii ugu danbeeyey ee aan ku tijaabinay maqaalkan....

Waxaa kaloo iyadana xasuusin mudan in haddii aad u baahado marka ugu horeyso ee aad linux kombuyuutarkaaga ku xareynayso aad ku darto barnaamijyadda la xareenayo web server, haddii kalana inta aad gujiso GNOME Menu, kadibna aad ka dhex doorato System settings, Add/Remove Aplications, markaad intaas sameyso shaashada kuusoo baxdda baad inta aad hoos xooggaa u socoto ka dooranaysaa Web Server, ka dibna Update baad riixaysaa, intaas ka dib waxaa laguu xareenayaa Web server.

Balse Maqaalkeenan waxaan ugu talla kalnay innuu qofka iskiisa u barto sidda loo xareeyo Web server, Waxaa kaloo intaas dheer in aad adiga iskaaga aad u go'aansato barnaamijyada aad ku rakibayso web server-ha iyo habka uu u shaqeenayo, sidaas darteed baan waxaan u aragnay inay haboon tahay innuu qofka iskiis u barto sidda loo sameeyo Web Server iyo sidda la isugu rakibo barnaamijyada kale ee la shaqeeyo web server-ha......

Maxay tahay ulla jeedada ka danbeysa innuu qofku sameysto Web Server?
Sababta ugu wayn waxay tahay in qof walba oo doonaya innuu barto habka loo sameeyo web site iyo sidda loo qoro luqadaha lagu dhiso web site-yadda sidda "Asp, Php, Perl, Cgi iwm" isla markaanna raba innuu sii kobciyo aqoontiisa, ay muhiim tahay innuu kombuyuutarkiisa ku sameysto Web Server, si tijaabooyin wanaagsan uu had iyo jeer ugu sameeyo script-yada uu markaas qorayo, isagoo aan meel kale u rarin balse isticmaalaya kombuyuutarkiisa......

Barnaamijyadda aan isticmaalli doonno:
openssl-0.9.7e
mod_ssl-2.8.22-1.3.33
mod_perl-1.0-current
apache_1.3.33
gd-1.8.4
php-4.3.10
mysql-standard-4.0.23
FG Haddii aad doonto waad isticmaalli kartaa noocyo ka duwan version-nadda aan halkan kusoo qornay,
muhiimadda waa adigoo si fiican u fahma maqaalkan insha Allaah.

Qaabka aan Maqaalkeenan u dajinay:
1- Sharxaad ku saabsan dhowr kumaando.
2- Halka aad kasoo roganayso barnaamijyada.
3- Sidda aad isugu rakibayso oo aad compile ugu sameynayso barnaamijta..
4- Isticmaalka barnaamjika Vi
5- Tijaabin.

Waxaa hubaal ah haddii uu akhristuhu uu maqaalkan ku akhriyo maskax furan oo fir fircooni leh innuu si sahlan ku dhisi doonno Web Server awood sare leh..

Ugu danbayntii iyadoo lagu dadaalay in maqaalkan uu noqdo mid wax tar leh, lagana illaaliyey innuu yeesho khaladaad, haddana "Rabi uun baa khalad ka nasahan" oo waxaa la arkaa in khalad aadane laga helo, sidaas darteed waxaan soo dhowayneennaa dhamaan fikradaha akhristayaasha maqaalkan.

1. Sharxaad ku saabsan dhowr kumaando

Waxaan halkan wax yar kaga hadli doonnaa haduu Rabi idmo, komaandayaal dhowr ah oo aan isticmaali doonno marka aan barnaamijta ku xareenayno kombuyuutarka. Waxaan ku sharxi doonnaa kumaandayaashaa aan isticmaali doonno habka loogu isticmaallo Dos, kadibna waxaan ku dhinac qori doonnaa faafaahin kooban. Sababta aan ugu sharaxnay kumaandayaasha habka loogu isticmaallo Dos baa waxay tahay, waa intaas uu akhrituhu ku cusub yahay isticmaalka Linux Balse uu mudo dheer soo isticmaalayey Windows-ka Hadaba si aan akhristaha u xasuusinno baan u araknay inay muhiim tahay in aan akhristaha ka siinno sawir, si ay ugu sahlanaado hawsha uu akhristuhu markaa qabanayo isla markaana uu ka heysto fikrad balaaran waxa ay yihiin kumaandayaashan aan isticmaalayno insha Allaah.

FG Halkan kuguma barayno sidda loo isticmaallo kumaandayaasha linux iyo Dos, balse waa xasuusin yar oo muhiim u ah maqaalkan, waxaan ka hadli doonnaa sidda marka aad Gal rabto inaad sameyso loo sameeyo, sidda faylasha qaarkood wax looga badallo, sidda faylasha la isugu koobiyeeyo, sidda faylal inta meel laga ra'ro meel kalle loogu ra'ro i.w.m, bal eeg tusaha 1.0 ee hoose.

Tusaha 1.0

Dos	Linux	Xasuusin
ATTRIB (+ -)attr file	chmod <mode> file	Gebi-ahaan way kala-duwan yihiin
BACKUP	tar -Mcvf device dir/	Gebi-ahaan way kala-duwan yihiin
CD dirname	cd dirname/	Qiyaastii waa isgu mid
COPY file1 file2	cp file1 file2	Qiyaastii waa isgu mid
DEL file	rm file	Gebi-ahaan way kala-duwan yihiin
DELTREE dirname	rm -R dirname/	Gebi-ahaan way kala-duwan yihiin
DIR	ls	Gebi-ahaan way kala-duwan yihiin
EDIT file	vi file	Gebi-ahaan way kala-duwan yihiin
MD dirname	mkdir dirname/	Gebi-ahaan way kala-duwan yihiin
RD dirname	rmdir dirname/	Gebi-ahaan way kala-duwan yihiin
REN file1 file2	mv file1 file2	Gebi-ahaan way kala-duwan yihiin

FG: Xasuusnow halka aan ku qornay "Gebi-ahaan way kala-duwan yihiin" ama "Qiyaastii waa isgu mid" ullama jeedno wax qabadka kumaandaha balse waxaan ulla jeedna qaabka qoraalka labada kumaando inay isku mid yihiin ama ay ku kala duwan yihiin Mararka qaarkoodse waxay noqon kartaa inaan ulla jeedno wax qabadkooda, haddana eeg tusaha 1.1

Tusaha 1.1

Dos	Linux	Sharxaad
ATTRIB	chmod	Fayl ayaad ku eegi kartaa ama wax kaga badali kartaa
CD	cd	Waxaa la isaga dhex gooshaa "Gudbaa" galalka
COPY	cp	Waxaa loo isticmaalaa inuu koobiyeeyo faylal isla markaana magaca uu ka badallo "haddii la doono".
DEL	rm	Waxaa lagu tirtiraa faylasha
DELTREE	rm -R "-rf"	Waxaa lagu tirtiraa Gal iyo dhamaan galalka kusii hoos jira
MD	mkdir	Waxaa lagu sameeyaa Gal.
MOVE	mv	Waxaa lagu raraa gal ama "fayl"
RD	rmdir	Waxaa lagu tirtiraa galalka maran.
REN	mv	Waxaa lagu badalaa magaca faylka
EDIT	vi	waxaa lagu saxaa ama lagu sameeyaa Fayl waa barnaamij "wax lagu qorto"

Digniin Kumaandaha rm -rf waxaa lagu tirtiraa Gal iyo galalka kusii hoos jira haddii aad gal u dirto innuu tirtiro rm -rf, wuxuu tirtiryaa galkaad u dirtay iyo dhamaan galalka kusii hoos jira, isagoo aanan wax fariin ama digniin ku siin. Sidaas darteed ka fiirso kumaandahaas, haddii aad root tahayna si wayn uga sii fiirso kumaantahaas inta aadan isticmaalin, keliya ku tirtir galalka aad ka maaranto, waxaan kumaantahan isticmaali doonnaa inaan ku tirtirno galalka aan hadda sameyn doono marka aan ka maaranno isticmaalkooda insha Aallaah, kumaando walba oo aan halkan kusoo qornay waxaad arki doontaa habka loo isticmaalayo markaan gaarno xareynta barnaamijta, haddii aad u baahan tahay chmod inaad wax ka ogaado qor sidan chmod --help ka dibna Enter riix, waxaad helaysaa sharxaad ku saabsan chmod, waxaan rajeenaynaa in ay intaas kaaga filan tahay sharxaaddii ku saabsanayd komaandayaasha aan isticmaalli doonno insha Allaah, haddana waxaan sameenaynaa Gal Maran oo an ku kaydsano barnaamij-ta aan kasoo rogan doono Internet-ka, kadibna waxaan gudo galeynaa halkaan kasoo rogan lahayn barnaamijta insha Allaah...

2- Halka aad kasoo roganayso barnaamijyada

Habka loo sameeyo Gal maran
Inta aynan wax barnaamij ah internet-ka ka soo rogan, waxaa muhiim ah inaan sameyno Gal maran oo aan ku kaydsano dhamaan barnaamijta aan internet-ka kasoo rogan doono, sidaas darteed waxaan halkan ku sameyn doonaa gal maran anagoo isticmaali doono kumaandihii mkdir ee aan ku sharaxnay Tusaha 1.1, kaasoo ku aadan MD oo Dos loo isticmaallo, Galka aan sameyn doono waxaan u bixin doonnaa WebServer .....

Habkan u sameey Gal maran
Qor mkdir WebServer kadib riix Enter
Intaas markaad sameyso waxaa la sameenayaa gal maran oo lagu magacaabay WebServer ku eeg kumaantaha Dir in Galkii la sameeyey iyo in kale, qor dir ka dibna riix Enter, "Dir ka eeg Tusaha 1.0".......

Halkan kasoo rogo Barnaamij-ta

Openssl-0.9.7e	Halkan ka soo rogo barnaamij-ka "Openssl-0.9.7e"
mod_ssl-2.8.22-1.3.33	Halkan ka soo rogo barnaamij-ka "mod_ssl-2.8.22-1.3.33"
mod_perl-1.0-current	Halkan ka soo rogo barnaamij-ka "mod_perl-1.0-current"
apache_1.3.33	Halkan ka soo rogo barnaamij-ka "apache_1.3.33"
gd-1.8.4	Halkan ka soo rogo barnaamij-ka "gd-1.8.4"
php-4.3.10	Halkan ka soo rogo barnaamij-ka "php-4.3.10"
mysql-standard-4.0.23	Halkan ka soo rogo barnaamij-ka "mysql-standard-4.0.23"

Habkan u fur fur Barnaamij-tii aad Internet-ka kasoo rogaday
Inta aadan billaabin fur furitaanka barnaamij-ta, marka hore galka badalo adigoo isticmaalaya kumaandihii aan kor kaga soo hadalanay CD eeg Tusaha 1.1..
Sidan galka u badallo: Cd WebServer ka dib habka soo socda u fur fur Faylasha.

Fur fur Dhaamntood.

Openssl-0.9.7e	Habkan u fur fur: tar xzf openssl-0.9.7e.tar.gz
mod_ssl-2.8.22-1.3.33	Habkan u fur fur: tar xzf mod_ssl-2.8.22-1.3.33.tar.gz
mod_perl-1.0-current	Habkan u fur fur: tar xzf mod_perl-1.0-current.tar.gz
apache_1.3.33	Habkan u fur fur: tar xzf apache_1.3.33.tar.gz
gd-1.8.4	Habkan u fur fur: tar xzf gd-1.8.4.tar.gz
php-4.3.10	Habkan u fur fur: tar xzf php-4.3.10.tar.gz
mysql-standard-4.0.23	Habkan u fur fur: tar xzf mysql-standard-4.0.23-pc-linux-i686.tar.gz

3- Sidda aad compile ugu sameynayso barnaamijta

FG La soco waa inaad tahay root ama aad isticmaashaa SU Inta aadan waxba sameyn. Haddii aad rabto inaad istcmaasho Su
qor SU kadib riix Enter Intaas kadib Waxaa lagu waydiin password-ka root-ka, ku qor password-ka root-ka ka-dibna riix mar kale Enter, Marka aad intaas sameyso waxaad noqon doontaa #

Compile OpenSSL:
Farta buluuga ee aan sadar walba ku hoos qori doono waxaan ulla jeednnaa sharxaad ha qorin.
Habkan compile ugu sameey openssl, marka hore adigoo isticmaalaya komaandihii Cd ku badalo galka sidan ugu badalo
cd openssl-0.9.7e
kadib sidda soo socoto sammee:
1] ./config prefix=/usr/local/ssl
2] make
3] make install
//Sadarka sare halka ay ku qoran tahay Prefix=/usr/local/ssl wuxuu tilmaamayaa in barnaamij-ka lagu xareeyo path-ka halkaa ku qoran ee ah /usr/local/ssl/ haddii aad rabto inaad meel kale ku xareysato ku badal path-ka meesha aad rabto in lagu xareeyo.
sadarka 2aad iyo sadarka sedaxaad waxaa lagu fulinayaa amarkii aad kor ku bixisay, waxaana barnaamij-ka lagu xareenayaa path-ka aad ku tilmaantay Prefix

Patch Apache source with mod_ssl:
cd ../mod_ssl-2.8.22-1.3.33
Waxaa mar kale loo wareegayaa galka mod_ssl-2.8.22-1.3.33

Habkan "Configuration" ugu sameey
./configure --with-apache=../apache_1.3.33 --with-openssl=/usr/local/ssl --prefix=/usr/local/apache
--enable-module=info --enable-module=so
//Apache waxaa lagu xareenayaa Path-ka ku qoran prefix, ka badal path-ka haddii aad rabto in aad meel kale ku xareyso

Build Apache:
cd ../apache_1.3.33
Waxaan u wareegaynaa galka ay ku jiraan faylasha Apache Server.
1] make
2] make certificate
3] make install
Sadarka 2aad ee ku qoran make certificate markaad qorto oo aad riixdo enter waxaad buuxin doontaa foom,
habkan u buuxi foomka:

TUSAALE
Country Name: DK //DK Ku badal waxaad rabto
State or Province Name: Copenhagen //Copenhagen Ku badal waxaad rabto
Locality Name: Glostrup //Glostrup Ku badal waxaad rabto
Organization Name: Aflax //Aflax Ku badal waxaad rabto
Organization Unit Name: Web server //Web server Ku badal waxaad rabto
Common Name: www.aflax.net //www.aflax.net Ku badal waxaad rabto
Email Address: linux@aflax.net //lINUX@aflax.net Ku badal waxaad rabto
Certificate Validity: 365 //365 Ku badal waxaad rabto
Certificate Version: 3 //3 ku badal noocaad rabto

Dhowrka sadar aan hoos kusoo qori doonno wuxuu kaaga saarayaa Passphrase-ka Server key-ga,
Sadarada aan farta buluuga ku qornay waxaan ulla jeednaa sharxaad.
cd /usr/local/apache/conf/ssl.key/
//CD Waxaad u gudbaysaa path-ka meesha ku qoran, CD ka eeg Tusaha 1.1
cp server.key server.key-with-passphrase
//cp Waxaan server.key ku koobiyeenaynaa server.key-with-passphrase, CP ka eeg Tusaha 1.1
openssl rsa -in server.key -out server.key
chmod 400 server.key //chmod Faylka ayaad wax kaga badali kartaa chmod ka eeg Tusaha 1.1
cd - //CD oo la socota calaamadan - waxay dib kugu celinaysaa path-kii aad markii hore ka timi ee ahaa apache_1.3.33

Compile Mod_perl:
Waxaan badalanay Galka cd ka eeg Tusaha 1.1.
cd ../mod_perl-1.27
1] perl Makefile.PL USE_APXS=1 WITH_APXS=/usr/local/apache/bin/apxs EVERYTHING=1
2] make
3] make install

Compile GD library for PHP:
1] mv gd-1.8.4 /usr/local/ //Waxaa galka gd-1.8.4 loo rarayaa path-kan: /usr/local/ mv ka eeg Tusaha 1.1
2] cd /usr/local/gd-1.8.4 //Waxaa loo wareegay galka gd-1.8.4 ee path-ka: /usr/local/gd-1.8.4
3] make //Intaas ka dib qor Make oo riix Enter

Siddan u xareey Mysql: /usr/local/mysql

Horey baan usoo sheegnay habka aad u fur fureyso Mysql waa sidan:
..]# tar -xzf mysql-standard-4.0.23-pc-linux-i686.tar.gz
Calaamadda noocan ah "#" waxaan ulla jeednnaa waa inaad tahay root, marka aad barnaamij-ta ku xareenayso kombuyuutar-ka, si aad isaga dhex gooshto galalka ku jirra kombuyuutar-ka, haddii aadan ahayn root meelaha qaarkood kuma sameyn kartid gal cusub, isla markaana meelaha qaar kuma koobiyeen kartid gal, siddaa darteed waa inaad tahay "root" "#".

mv mysql-standard-4.0.23-pc-linux-i686 /usr/local/
//Galkii aad fur furtay ee ahaa "mysql-standard-4.0.23-pc-linux-i686" baad waxaad u raraysaa "/usr/local/"
la soco waa inaad tahay root "#" si aad arintaas u sameyso, si aad galka ugu ra'rto path-kan: /usr/local/ Waa inaad isticmaashaa kumaandaha mv ee aan kor kusoo sheegnay, wuxuu ku aadan yahay kumaandaha Move ee "Dos" eeg Tusaha 1.1
cd /usr/local
Waxaan u badalanaynaa path-ka galkii aan u rarnay Mysql ee ahaa /usr/local, si aan arintaas u sameeyno waxaan mar kale isticmaalnay komaandihii CD, ka eeg CD: Tusaha 1.1

ln -s mysql-standard-4.0.23-pc-linux-i686 mysql
symbolic link ayaan waxaan ku sameenay /usr/local/mysql-standard-4.0.23-pc-linux-i686 anagoo isticmaalnay /usr/local/mysql, haddii aan si kale kugu sharxo path-ka /usr/local/ baa waxaa lagu sameenayaa Gal magaciisu yahay mysql isla markaana waxaa galkaas lagu koobiyeenayaa dhamaan faylasha ku jira galkii hore ee ahaa: mysql-standard-4.0.23-pc-linux-i686, arintaana waxaa saamaxay kumaantaha ln oo ay la socoto -s, ln micna ahaan wuxuuu u taagan yahay link_name, symbolic link waxay Windows OS-ka la mid tahay short-cut.

cd mysql
//waxaan u badalanay markale /usr/local/mysql]# anagoo isticmaalnay kumaandihii CD
FG: La soco waa inaad tahay "root "#"

groupadd mysql
//Waxaan sameenaynaa group cusub 'mysql', waxaanna ku hoos sameenaynaa group-ka cusub /etc/group
FG: La soco waa inaad tahay "root "#"

useradd -g mysql mysql
//Waxaan markale sameenaynaa isticmaalle cusub, waxaana ku hoos sameenaynaa isticmaalaha cusub
group-ka 'mysql', FG: La soco waa inaad tahay "root "#"

cp support-files/my-medium.cnf /etc/my.cnf
//Waxaan koobiyeenaynaa faylka my-medium.cnf ee kusii hoos jira support-file waxaanna ku koobiyeenaynnaa /etc kadibna faylka waxaan u bixinaynaa magacan cusub my.cnf waxaan isticmaalnay kumaandaha cp, ka eeg kumaandaha cp: Tusaha 1.1
FG: La soco waa inaad tahay "root "#"

./scripts/mysql_install_db --user=mysql
FG: La soco waa inaad tahay "root "#"

chown -R root:mysql .
//Ku badal milkiilaha user:group-ka iyo dhamaan galalka iyo faylasha hoos yaal /usr/local/mysql 'root:mysql',
FG:Ha hilmaamin calaamadda ugu danbaysa sadarka ee ah "." Dhibic.
FG: La soco waa inaad tahay "root "#"

chown -R mysql:mysql data
// Ku badal milkiilaha user:group-ka iyo dhamaan galalka iyo faylasha hoos yaal /usr/local/mysql/data 'mysql:mysql'
FG: La soco waa inaad tahay "root "#"

Shaqo dheer ka dib waxaan soo gaarnay Sidda loo shido Mysql

Noocyo badan oo loo shidi karo "MySQL daemon" baa jirra, halkan hoose ka dooro noocaad rabto inaad u shido
./bin/mysqld_safe --user=mysql &
//Listen on all interfaces (0.0.0.0)
FG: La soco waa inaad tahay "root "#"

./bin/mysqld_safe --user=mysql --bind-address=127.0.0.1 &
//Listen on loopback only (127.0.0.1)
FG: La soco waa inaad tahay "root "#"

Sidda wax loogu qoro "Mysql"

/usr/local/mysql/bin]# ./mysql -u <user> -p<password>
//- u "ku qor username", -p "ku qor password" FG -p-iyo-password-ka meel banaan uma dhaxeyso
Micnaha "space" uma dhaxeeyo "-p" iyo "password", Ha qorin Calaamada noocan ah <> ee aan ku dhex qoray user ama password, keliya siddan oo kale u qor "-u test -ptest"
FG: La soco waa inaad tahay "root "#"

Sidda loo damiyo "Mysql"

/usr/local/mysql/bin]# ./mysqladmin -u <user> -p<password> shutdown
//Waa habka loo damiyo "Mysql"
FG: La soco waa inaad tahay "root "#"

U Sameey password "Mysql"
Xasuusnow Waa inaad MYSQL ku xirtaa ama aad u yeeshaa password-ka root-ka si aad arintaas u sameeyso
qor sedaxdan sadar ee soo socda:
1] /usr/local/mysql/bin]# ./mysql -uroot
2] mysql> SET PASSWORD FOR root@localhost=PASSWORD('password-kaaga');
3] mysql> (hit Ctrl-d)

Badal Admin Password-ka
Haddii aad rabto inaad badasho Admin password-ka, siddan u badal:
1] /usr/local/mysql/bin]# mysqladmin -u root password newpassword
//Sadar-ka sare wuxuu password-ka root-ka ku badalayaa password-ka cusub ee aad bixiso.
FG: La soco waa inaad tahay "root "#"

Compile PHP:

cd ../php-4.2.3
//Waxaan u badalanay Galka ay ku jiraan faylasha PHP waxaan markale isticmaalnay komaandihii CD, ka eeg CD, Tusaha 1.1

Habkan ugu sameey Configuration

./configure --prefix=/usr/local/php
--with-apxs=/usr/local/apache/bin/apxs
--with-config-file-path=/usr/local/apache/conf
--with-mysql=/usr/local/mysql --enable-ftp
--with-gettext
--with-gd=/usr/local/gd-1.8.4
--with-jpeg-dir --with-pear=/usr/local/apache/php-pear
make
make install

//Waxaan filayaa inaysan u baahnayn sharxaad sadarada meesha ku qoran, Keliya waxaa xasuusin mudan in barnaamij-ka php lagu xareen doono path-ka ku qoran prefix ee ah /usr/local/php iyo in aad xasuusato calaamada labadda xariijin ah
ee ka horeysa ficil walba "- -".
La soco waa inaad tahay "root #"

cp php.ini-dist /usr/local/apache/conf/php.ini
//Faylka php.ini-dist ee ku jira Galka php-4.2.3 ayaan waxaan ku koobiyeenay /usr/local/apache/conf/ kadibna waxaan u bixinay magacan cusub php.ini Kumaandaha CP ka eeg Tusaha 1.1.
La soco waa inaad tahay "root #"

4- Isticmaalka barnaamijka vi editor

Isticmaalka barnaamij-kan Vi waa yara adag yahay, mana aha barnaamij u sahlan sidda barnaamij-yadda wax lagu qorto ee kale. Balse waxaa hubaal ah markii aad barato isticmaalka Vi innuu waxba kaalla duwanaan doonin
barnaamijyada kale ee wax lagu qorto...

Muhiimadda maqaalkeenan ma'ahan inaan ku barano barnaamij-kan Vi balse waxaan kasoo qaadan doonaa dhowr tusaale oo lagama maarmaan u ah maqaalkan, lanna doonayo akhristuhu innuu fahmo...

Hab isticmaalka Vi
Vi markaad rabto inaad ku furto ama aad ku saxdo fayl ku jira kombuyuutarka waxaad qoraysaa sida soo socada:
Vi /meesha uu yaallo faylka/magaca-faylka.txt
Markaad intaas qorto waxaa kuu furmayo faylkii aad amartay in lagu furo Vi, waxaad kaloo Vi lagu sameeyaa Fayl cusub sidda barnaamij qoraaleed-yadda kaleba loogu sameeyo fayl cusub, marka aad rabto Vi inaad wax ku qorto ama fayl ku jira kombuyuutar-ka wax kabadasho, marka ugu horeyso ee aad ku furto faylka barnaamij-ka vi waxaad riixaysaa Escape key ka dibna waxaad riixaysaa xarafka i oo u taagan insert, kadibna waxaad bilaabaysaa wixii aad ka saxi lahayd ama aad ku qori lahayd faylka.

Marka aad rabto faylkii aad ku furtay Vi in laguu kaydsho "save" waxaad riixaysaa Escape key, kadib waxaad qoreysaa :W
kadib riix Enter, Marka aad intaas sameeyso faylkii aad wax ku qoreesay waa laguu kaydinayaa.

Marka aad rabto inaad "vi editor-ka" ka baxdo waxaad riixaysaa Escape key, kadib waxaad qoreysaa :q,
intaas kadib waxaad riixaysaa Enter, markaas waxaa laga baxayaa barnaamij-ka

Haddii aad rabto in aad isgu mar barnaamij-ka VI ka baxdo faylkii aad qoreesayna laguu Kaydsho "save"
waxaad riixaysaa Escape key, kadib waxaad qoreysaa :Wq oo u taagan kaydi faylka barnaamij-kana xir, intaas kadib baad waxaad riixaysaa Enter, halkaa waxaa lagu kaydinayaa faylkii aad qoreesay, isla markaana waxaa laga baxayaa oo la xirayaa
barnaamija-ka VI, Xasuusnow labadda dhibic ee xaraf walba ka horeeyso ":" Sidda ":" W ama ":" q.

waxaan filaynaa inay intaas noogu fillan tahay sharxaadda Vi, haddana waxaan barnaamij-ka Vi ku furi doonnaa faylka httpd.conf oo yaalla path ka /usr/local/apache/conf/ si aan wax ugu badalno faylka.

Habkan ugu fur Vi faylasha httpd.conf iyo php.ini

Edit /usr/local/apache/conf/httpd.conf
Qor intan: vi /usr/local/apache/conf/httpd.conf kadib taabo Enter
Xoogaa hoos u soco illaa aad ka gaarto halka ay ku qoran yihiin DirectoryIndex kadib ku qor index.html.var index.php
Misna xoogaa hoos u soco, kadibna ku qor labadan sadar:
AddType application/x-httpd-php .php
AddType application/x-httpd-php-source .phps
Kaydi faylka kadibna kabax barnaamij-ka.

Edit /usr/local/apache/conf/php.ini
Isticmaal Vi si aad wax ugu badasho faylka php.ini sidda soo socota u fur faylka.
vi /usr/local/apache/conf/php.ini
Xoogaa hoos u soco, illaa aad ka gaardo: doc_root ka dibna sidan u qor doc_root-ka
doc_root = "/usr/local/apache/htdocs/"

Markale misna xooga yar hoos u soco kadib marka aad gaardo file_uploads, off ku badal halka ah on Sidda hoose oo kale:
file_uploads = Off
//Amni ahaan baan "off" ugu dhignay file_uploads-ka, haddii aad u baahado "On" kusoo cesho.
Kaydi faylka kadibna kabax barnaamij-ka.

5- Tijaabin

Waxaa halkaas noogu dhamaaday xareyntii iyo isgu rakibkii barnaamij-ta, haddana waxaa soo gaarnay qaabkii aan u tijaabin lahayn barnamij-ta inshallaah....

Habka loo shido Apache Server
Marka aad rabto inaad shido Apache waxaad u shidi kartaa noocayaddan soo socda:
/usr/local/apache/bin]# ./apachectl start
//Marka aad noocaas u shido apache wuxuu isticmaalayaa (port 80)

/usr/local/apache/bin]# ./apachectl startssl
//Marka aad noocaas u shido apache wuxuu isticmaalayaa (port 80 iyo 443) port-da 443 waxaad u isticmaalaysaa SSL
FG: Waa muhiim inaad u fasaxdo Firewall-ka haddii aad isticmaasho mid insha Allaah.

Habkan u dami Apache Server
/usr/local/apache/bin]# ./apachectl stop
//Waa habka loo damiyo APache Server

Habkan dib ugu soo shid Apache Server
/usr/local/apache/bin]# ./apachectl restart
//Mar walba oo aad wax ka badasho faylka httpd.conf, waxaad u baahan tahay inaad apache restart ku sameyso, si uu apache u fuliyo mar kale wixii aad ka badashay faylka httpd.conf.

Tijaabi Apache Server

Habkan kale u tijaabi
Haddii halka sare aysan kasoo bixin IP-adress-kaaga, habkan hoose u tijaabi Apache Server insha Allaah.
tijaabi apache adigoo isticmaalaya port 80: http://localhost
tijaabi apache adigoo isticmaalaya port 443 SSL: https://localhost
//Marna waxaad isticmaalaysaa (port 80), marka kalena waxaad isticmaalaysaa (https port 443).

Tijaabi PHP
Waxaan marka hore halkan ku sameeyn donnaa Gal, galka waxaan ku dhex sameenayaa path-ka uu yaallo galka htdocs hoostiisa ee ah: "/usr/local/apache/htdocs", galkaas waxaan u bixinaynaa test ka dibna waxaan badalayaa rukhsada galka
"permission-ka"
Habkan u sameey Galka:
mkdir /usr/local/apache/htdocs/test
kumaandaha mkdir horaan ugu soo hadalnay ka eeg tusaha 1.1, Galkana waxaan ku dhex sameeyey
path-kan: /usr/local/apache/htdocs/ hoostiisa
Misna waxaan badalaynaa rukhsada milkiilaha iyo group-ka galka test read/write/execute.
chmod 775 /usr/local/apache/htdocs/test
Intaas kadib waxaan badalanayaa Galka, oo waxaan u badalanayaa galkii aan hadda sameeyey ee test
CD /usr/local/apache/htdocs/test
Waxaad kadib isticmaalaysaa Barnaamij-ka Vi, kadibna waxaad qoraysaa fayl yar, oo aad ku qorto sadar-ka aan hoos kugu soo qori doono, kadib kaydi faylka, intaas ka dib waxaad fayl-ka ku fiirin doontaa Browser-ka aad isticmaalayso insha Allaah.

Sameey Php Script-kii kugu horeesay
CD /usr/local/apache/htdocs/test
//Haddii aadan horey galka u badalan hadda badallo.
/usr/local/apache/htdocs/test]# vi test.php
ku qor faylka sadarkan:

<?php phpinfo(); ?>

Haddii lagu tuso table ah, sidda table-ka sawirkan ka muuqda, Aw-guuriyo Waxaad sameesay php Script-kii kugu horeeysay, haddii aanan lagu tusin table-ka halkan ku sawiran oo kale, fadlan ku laabo akhrinta maqaalka oo soo sax
meelaha qaladaadka ka jiro insha Allaah.

Tijaabi MYSQL
Sameey Database-kii kugu horeeyay
Waxaa la sameenayaa Table
Waxaa la sameenayaa table cusub, oo magaciisu yahay muxadaro
Waxaa table-ka lagu dhex sameenayaa database-ka test,
kabadal magaca test "mysql_select_db("test")" haddii aad meel kale u rabto in lagu sameeyo table-ka
Kode-kan koobiyeey kadibna ku xareey web server-ha unna bixi Sameey.php

Table-kii aad sameesay baad waxaad ku qoraysaa warbixin
Kode-kan koobiyeey kadibna ku xareey web server-ha unna bixi kudar.php

Waxaa database-ka test, laga soo akhrinayaa waxa ku qoran table-ka muxadaro.
Kode-kan koobiyeey kadibna ku xareey web server-ha unna bixi Itus.php

Magaca Sheekha	Cashar
Sheekh Shible	15
Sheekh Mustafa	15
Sheekh Bashiir	15
Sheekh M. Umal	15

Iska tirtir Galka Webserver
Iska tirtir galka Webserver iyo dhamaan galalka kusii hoos jira, uma baahnid hadda insha Allaah...
Habkan u tirtir
cd ..
rm -rf Webserver
//Si aan galka Webserver iyo dhamaan galalka kusii hoos jira u tirtirno waxaan isticmaalnay kumaandaha rm -rf
Kumaandaha rm ka fiiri tusaha 1.1

Gunaanud
Waxaa hubaal ah haddii aad sameesay inta aan halkan kugu sharaxnay, inaad sameesay Web Server Awood sare leh, oo adigu aad ka tahay GuulWade, waxaan maqaalkeenan kan xigga kusoo diyaarin doonnaa sidda loo sameeyo Web Mail, anagoo isticmaali doona IMAP insha Allaah. Wixii su'aal ah ee ku saabsan habka loo sameeyo Web Server-ha halkan noogu soo hagaaji
Waxaan kuu rajeenaynaa Guul iyo Horumar insha Allaah

Waxaan kuu rajeenaynaa Guul iyo Horumar insha Allaah

Iska tirtir Galka Webserver
Iska tirtir galka Webserver iyo dhamaan galalka kusii hoos jira, uma baahnid hadda insha Allaah...
Habkan u tirtir
cd ..
rm -rf Webserver
//Si aan galka Webserver iyo dhamaan galalka kusii hoos jira u tirtirno waxaan isticmaalnay kumaandaha rm -rf
Kumaandaha rm ka fiiri tusaha 1.1

Gunaanud
Waxaa hubaal ah haddii aad sameesay inta aan halkan kugu sharaxnay, inaad sameesay Web Server Awood sare leh, oo adigu aad ka tahay GuulWade, waxaan maqaalkeenan kan xigga kusoo diyaarin doonnaa sidda loo sameeyo Web Mail, anagoo isticmaali doona IMAP insha Allaah. Wixii su'aal ah ee ku saabsan habka loo sameeyo Web Server-ha halkan noogu soo hagaaji
Waxaan kuu rajeenaynaa Guul iyo Horumar insha Allaah

Waxaan kuu rajeenaynaa Guul iyo Horumar insha Allaah

Magaca Sheekha	Cashar
Sheekh Shible	15
Sheekh Mustafa	15
Sheekh Bashiir	15
Sheekh M. Umal	15